Блог оның оқырмандарымен кері байланысты қамтамасыз етуге, сонымен қатар әртүрлі сұрақтар бойынша пікірлер мен ұсыныстар алмасуға арналған. Бұл өз кезегінде нақты интерактивтік қарым-қатынасты қамтамасыз етеді. Блогта қолданушыларды тіркеу қамтамасыз етілген.

            Барлық келіп түскен түсініктемелер мен сұрақтар модерация алды режимінде болады. Бұл кез келген түсініктемелер мен сұрақтар жарияланбас бұрын модераторлармен қаралады және тіл тигізу, балағаттау, цензуралық емес айтылымдар, нәсілдік, ұлттық, жыныстық және әлеуметтік белгілері бойынша бөлу болған жағдайда сұрақ жарияланбайтын болады.

             Сайтқа төмендегідей ақпараттарды орналастыруға жол берілмейді:

         - заңсыз, зиянды, қоқан-лоқы жасайтын, үшінші тұлғалардың адамгершілігін, ар-намысы мен қадір-қасиетін, құқықтарын және заңмен қорғалатын мүдделерін қорлайтын, жала жабатын, авторлық құқықты бұзатын, өшпенділікті, қатыгездікті, күш көрсетуді және/немесе адамдарды нәсілдік, этностық, жыныстық, әлеуметтік белгілері бойынша кемсітуді насихаттайтын, діни, нәсілдік немесе ұлтаралық алауыздықты өршітуге ықпал ететін, жануарларды қинайтын не жауыздық көріністерінен тұратын және Қазақстан Республикасы заңнамасымен таратуға тыйым салынған басқа да материалдар;

         - азшылықтың құқықтарына қысым жасалатын материалдар;

         - Пайдаланушының заң бойынша немесе қандай да бір келісімшарттарға сәйкес қолжетімді етуге құқығы жоқ материалдар;

         - қандай да бір патентті, сауда маркасын, коммерциялық құпияны, копирайт немесе басқа да меншік құқықтарын және/немесе  үшінші тараптың авторлық және олармен сабақтас құқықтарын қозғайтын материалдар;

         - арнайы түрде рұқсат берілмеген жарнама ақпаратын, спамды,   "пирамидалар", "бақыт хаттары" сияқты түрлі схемаларды және басқаларын;

         - кез келген компьютерлік немесе телекоммуникациялық жабдықтың немесе бағдарламалардың жұмыс істеуіне нұқсан келтіруге, жоюға не шектеуге, рұқсат берілмеген қол жеткізуді жүзеге асыруға арналған компьютерлік кодтары бар материалдар, сондай-ақ коммерциялық бағдарламалық өнімдердің сериялық нөмірлерін, логиндерді, парольдер мен Интернеттің ақылы ресурстарына рұқсат берілмеген қол жеткізуді алатын басқа да құралдар;

         - басқа пайдаланушылардың дербес деректерін жинауға және сақтауға бағдарланған материалдар;

         - жарнамалық, коммерциялық немесе насихаттық сипаттағы жазбалардың келісілмей берілуін;

         - ішімдікті, темекіні, есірткіні және Қазақстан Республикасының заңнамасында тыйым салынған  басқа да заттарды жарнамалауды;

         - Қазақстан Республикасының мемлекеттік құпияларын құрайтын материалдарды орналастыруға жол берілмейді.

Сайттың арнаулы бөлімін Қазақстан Республикасының заңнамасын, сондай-ақ халықаралық келісімдерді  қасақана бұзу мақсатында пайдалануға тыйым салынады.

       Пайдаланушының:

            1) сайттың арнаулы бөлімінде заңдарды және өзге де нормативтік-құқықтық актілерді бұзу, өтінішті қарайтын субъектілердің, лауазымды адамдардың жұмысындағы кемшіліктер туралы мәтіндік хабарламаны не олардың қызметі туралы сынды орналастыруға құқығы бар;

            2) қайталап өтініш жасауға, онда:

            - алдындағы өтініш бойынша қабылданған шешімге шағымдануға;

            - бұрын жолданған хабарламаның келіп түскен уақытынан бастап белгіленген қарау мерзімі өтіп кеткен, бірақ Пайдаланушы жауап алмаған болса,  оның уақытында қаралмағаны туралы хабарлауға;

            - алдындағы өтініштің қаралуы мен шешілуі кезінде жол берілген басқа да кемшіліктерді көрсетуге құқығы бар;

            3) «Жеке және заңды тұлғалардың өтініштерін қарау тәртібі туралы» Заңда көзделген тәртіппен жазбаша өтініш жасауға құқығы бар. Яғни,   сайттың арнаулы бөліміне жүгіну Пайдаланушының аталған Заңда берілген өтініш жасау мүмкіндігін пайдаланудың заңды құқығынан айырмайды;

            Пайдаланушы:

            1) өтініште – тегін, атын, сондай-ақ қалауы бойынша әкесінің атын, пошта мекенжайын, электрондық пошта мекенжайын, телефонын көрсетуге міндетті. Пайдаланушы – заңды тұлға, бұдан басқа, ұйымның атауын, пошта мекенжайын, электрондық пошта мекенжайын, ұйымның телефонын көрсетуге тиіс;

            2)  шағым бергенде іс-әрекетіне шағым жасалып отырған мемлекеттік органның атауын немесе лауазымды адамдардың лауазымын, тегін, аты-жөнін, өтініштің негіздемесі мен нақты талаптарын көрсетуге міндетті. Өтініште мәселенің мәні нақты баяндалуға, қажет болғанда құқықтары мен заңды мүдделері бұзылуының фактісі орын алған уақытты, орынды, басқа да жағдаяттарды, сондай-ақ оның толыққанды әрі әділ қаралуы үшін қажетті өзге де ақпаратты қамтуға тиіс;

            3) пайдаланушы өтініште қамтылған ақпараттың дәйектілігі үшін түгелдей дерлік жауапкершілікті Қазақстан Республикасының заңнамасына сәйкес  өзіне алатынын түсінуге тиіс және сайттың арнаулы бөлімін жеке және заңды тұлғалардың құқықтары мен заңды мүдделерін, сондай-ақ қоғам мен мемлекеттің мүдделерін бұзу үшін пайдаланудан аулақ болуға міндетті.