Қазақстан Республикасының Президенті Н.Ә.Назарбаев шағын және орта бизнесті, кәсіпкерлікті дамытуға ерекше назар аударып келеді.

Кәсіпкерлікті қолдау мақсатында Елбасының «Бизнесті қорғау» сайты ашылды. Облыс әкімдерімен өткен кеңесте  кәсіпкерлер әртүрлі сұрақтарына жауап алу үшін жергілікті атқарушы органдарға осындай блог ашу жөнінде тапсырма берген болатын.

Елбасы үстіміздегі жылдың 26 ақпанында өткен кәсіпкерлер Кеңесінің пленарлық мәжілісінде сөйлеген сөзінде бизнестің жолындағы әкімшілік кедергілерді мүмкіндігінше азайту қажеттігіне баса назар аударды. Осыған байланысты облыс әкімдігі облыстық кәсіпкерлік және өнеркәсіп басқармасымен бірлесіп облыс әкімінің сайтында кәсіпкерлерге арналған арнайы блог ашып отыр.

Бизнес өкілдерін заңнамалар бойынша түсінік алу, тексерушілер мен бақылаушылар және құқық қорғау органдары тарапынан  заңды құқықтарына нұқсан келтіру фактілері бойынша, сондай-ақ өздерін толғандырып жүрген мәселелерін шешу үшін блогты пайдалануға шақырамын.

Батыс Қазақстан

облысының әкімі                                                Н.Ноғаев